Niyətşah Nemətov

Niyətşah Nemətov

Niyətşah Nemətov Səfər oğlu — əməkdar rabitə işçisi, Azərbaycan Respublikası Prezidentinin fərdi təqaüdçüsü

1928-ci ildə Quba qəzasının Yerfi sovetliyinin Qayadalı kəndində doğulmuşdur. Əmək fəaliyyətinə 1942-ci ildə Qonaqkənd rayonu poçt şöbəsində poçtalyon işləməklə başlamışdır. M. F. Axundov adına Azərbaycan Dövlət Pedaqoji İnstitutunu bitirmişdir. Qonaqkənd, Saatlı və Bakı şəhərinin bir çox rayon rabitə şöbələrində rəis işləmişdir.

1971-ci ildən 1989-cu ilədək Bakı şəhərinin poçt rabitəsinə nəzarət edən Bakı Poçtamtının rəhbəri olmuşdur.

1989-1998-ci illərdə Bakı Poçt Rabitəsi İstehsal Birliyi rəisinin müavini işləmişdir.

1991-ci ildə Əməkdar Rabitə işçısi fəxri adını almışdır. 

2006-cı ildə Prezidentin Fərdi təqaüdünə layiq görülmüşdür. 

2007-ci ildə vəfat etmişdir.

mənbə: Tahir Həsənli. Yerfililər. Bakı, Kitab Klubu, 2012